القائمة الرئيسية

الصفحات

رسالة من الاستاذة عبير الجندي للسادة المدرسين


أنا مش فاهمة المدرسين ليه حاطين نفسهم في خانة دفاع
و ليه اي حد بيتكلم عن الدروس الخصوصية بتحط عينك في الأرض..
احنا مبنعملش جريمة يا اساتذه..
في اي مكان في العالم في private teacher... او Tutor
و مهنة المدرس الخاص دي كانت اساسا لأولاد الملوك بس يا فندم
ارسطو كان معلم الإسكندر الأكبر بالمناسبه
و قبل اختراع المدارس النظامية اللي هدفها الأساسي بالمناسبة كان قتل الإبداع و تخريج مواطنين عندهم حد أدنى من التعليم قراءة و حساب بس علشان يقدروا يشغلوا وظائف في البلد...
كان المدرس الخاص هو امل الطبقة الغنيه علشان ولادهم يتعلموا....
و دلوقتي في اي دولة في العالم... مهما بلغ ترتيبها في التعليم في وكلات توظيف خاصة للمدرسين حسب الطلب...
اومال ايه اللي بيحصل عندنا في مصر؟؟؟
اللي بيحصل ان في فكرة قديمة اتزرعت من زمان
بتقول ان المدرس مكانه في المدرسه!!!!!
مش عارف ايه الخطأ ان المدرس يستغل مهاراته في تحسين مستواه المادي....
اه يا فندم انت مكسوف ليه مش فاهم...
انت بتلتزم بأخلاق المهنة... بس بتكسب منها..
و من حقي كمدرس اني ادي سعر لنفسي مقابل الخدمة اللي بقدمها...
اه التدريس رسالة... و مين قالك ان أصحاب الرسالة مبيكسبوش فلوس؟؟
كون ان حضرتك كوزير تربية و تعليم مش قادر تقدر مجهود و حق أصحاب الرسالة فمش من حقك تبصلهم النظرة المدنية دي
حاجة غريبة و مش لاقيا ليها تفسير لحد دلوقتي
المؤسسات التعليمية نفسها في البلد متقسمة حكومي تجريبي و خاص و لغات و انترناشونال
و على اد فلوس حضرتك تقدر تعلم ابنك
و مشوفتش وزير تربية و تعليم لحد دلوقتي حاول يخلي التعليم جوه المدارس الحكومي يوصل ل ١٪ من الفئات العاليه بتاعة ولاد الاكابر
كلمة اخيرة لأولياء الأمور
حضرتك كنت بتتصل بالمدرس ١٠٠ مرة في اليوم علشان يوافق يدي ابن حضرتك
بلاش تبقى انسان منافق و بعد ما ابنك خلص و نجح على خير تشتم في المدرسين اللي نجحوا ابنك
محدش ضربك على ايدك
مدرس ثانوي مكانش معاه أعمال سنه و مكنش يقدر يستقصد ابن حضرتك برضه
فأنت كنت بتروح بمزاجك و بارادتك علشان ابن حضرتك مش هيقدر يفهم لوحده
هل اعجبك الموضوع :

تعليقات