القائمة الرئيسية

الصفحات

كيفية التعامل مع القراءة متحررة المحتوى.


القراءة المتحررة


 الرسالة الثانية للناس اللي بتعاني من القراءة المتحررة

 لطلاب الثانوية العامة. 

 كيفية التعامل مع القراءة متحررة المحتوى.

  

بسم الله

اتفقنا ان انا هتكلم بالعامية تسهيلا فقط


طالب الثانوية العامة

أما تيجى تذاكر القراءة المقررة عليك فى المنهج  اوعى تحفظ السؤال وإجابته.

دا زمن ولى ولن يعود

امال إيه يا مستر

يا حبيبى عشان تحل قراءة صح يكفيك مدرس محترف فاهم النظام الجديد وهيقولك على شوية حاجات كدا فى حصتين تلاتة بس فى السنة كلها.

والباقى كله عليك يا عمنا.

طب هيقول ايه المدرس دا يا مستر فى الكم حصة دول دول؟

هقولك يا عمنا.

لو اتلاقيته بيحل معاك القراءة المقررة عليك سؤال وجواب اعرف ان انت وهو ماشيين فى الطريق الغلط.

المفروض ان القراءة المقررة عليك تاخدها انطلاقة لحل موضوعات أخرى أدبيه ومعلوماتية لكن مش هتيجى فى الامتحان من الآخر.

طب ايه الصح طيب..

حيرتنا

هقولك ..

∆ هناك قواعد لازم يدرّبك عليها فى القراءة.

∆ يا مستر، هتقولى قواعد تانى؟ هو نحو؟

∆ يابنى اصبر عليا.

أولا لابد يدربك على سؤال اسمه المعنى الدقيق للكلمة من خلال السياق وكذلك المقابل الدقيق للكلمة.

∆ هتقولى المعنى الدقيق؟ وليه يا مستر ميكونش المعنى وخلاص.

∆ يا حبيبى معنى الكلمة أو مضاد الكلمة دا زمن لن يتكرر فى النظام الجديد. 

لازم تلاقى الاختيارات كلها شكل بعضها.

وخلى بالك الاختيار الصحيخح له قواعد معينة  لتحديده لازم المدرس يقولك عليها.

او تابعنى فى الرسالة التالتة وهقولك ازاى تحدده وخلاص.

 الحاجة التانية لازم تتدرب على كيفية استنباط ما يلى..

 الفكرة العامة للموضوع.

 الفكرة الرئيسة للفقرة.

 الفكرة الناقصة اللى سقطت من الكاتب سهوا وكان المفروض يقولها وتكلم عنها.

 الفكرة الزائدة اللى خرج الكاتب بها عن الموضوع الرئيسى وملهاش تلاتين لازمة.

 الفكرة المشتركة اللى بتجمع بين رأيين اتعرضوا فى الموضوع أو فكرة من الموضوع وفكرة تانية من خارج الموضوع واضع الامتحان هيذكرها لك فى السؤال.

الفكرة المتناقضة.. يعنى الكاتب ذكر فكرتين واكتشفت سيادتك تعارض الفكرتين مع بعض دون ان يدرى الكاتب.

 المغزى الضمنى للفقرة.. يعنى نستنتج هدف الكاتب من عرض موضوعه.

المشترك اللفظى..يعنى تحديد المعنى الصواب للكلمة من خلال وجودها فى جمل مختلفة السياق.

العلاقات بين الجمل والفقرات..لازم تتدرب عليها وتعرف امتى تكون العلاقة تعليل أو نتيجة أو تقابل أو استئناف او تأكيد...الخ.

 نوع المقال لازم تعرف تحدد نوع المقال..ان كان اجتماعى ولا سياسى ولا معلوماتى ولا وصفى ولا سردى...

 لازم تعرف تحدد اللى عرضه الكاتب فى المقال بتاعه دا...

رأى ولا حقيقة ولا ادعاء ولا خيال علمى.

 نوعية أخرى من الأسئلة عبارة عن استنتاج إجابات وغيرها.

الخلاصة..

القراءة قد تكون  الحصان الأسود فى الامتحان لأن عليها درجة كبيرة

عايزة بس فهم الشوية حاجات اللى قلنا عليها فوق وتحل كتير

من الآخر..

لازم تتعامل مع القراءة بالشكل دا

وإلا يبقى انت ماشى فى الطريق الخطأ.

تعليقات