الاستعلام عن تاريخ الإفراج لمسجون وشروط العفو وكيفية تقديمه وصيغته - أخبار التعليم اليوم

الاستعلام عن تاريخ الإفراج لمسجون وشروط العفو وكيفية تقديمه وصيغته

  


الإستعلام عن تاريخ الإفراج لمسجون :-

 يعني حضرتك تروح السجن اللي تابع له المسجون وتقوله  عايز اعمل استعلام رسمي عن تاريخ افراجه  الاستعلام بيكون مكتوب فيه  تاريخ دخول المسجون  و تاريخ خروج المسجون  وميعاد العفو اللي هيتعرض فيه  وكمان ايه الورق الناقص من الملف والمفروض يكمل عشان العفو  بدل ما تقعد تسأل المادة دي بكام شهر ؟

الاستعلام ده هيوضحلك كل حاجه

 طريقة تقديم طلب العفو الرئاسي :- 

١- التقديم في لجنة العفو الرئاسي :-

العنوان / ٥٧ شارع مصدق الدور السادس #

هتقول عاوز اقدم في العفو ، هيديلك استماره تملاها وتمشي

● مش مطلوب اي ورق خالص

● خد معاك رقم القضية فقط

عن طريق مترو الانفاق اتجاه الجيزة او التحرير :-

● انزل محطة مترو البحوث.

● واسأل عن شارع مصدق.

وفي شارع مصدق اسأل عن رقم ٥٧

● واطلع الدور السادس.

٢- التقديم للمحكوم عليهم حضوري فقط:-

■ التحقيق ممكن ياخد افراج في اى وقت.

الغيابي بمجرد ما يعمل إعادة إجراءات بيلغي الحكم

المختفي لا هو محكوم عليه ياخد عفو ولا هو تحقيق مستني افراج ، ده منتظر رحمة ربنا بيه وبأهله ، ربنا يرده سالم لبيته

٣- المحبوس احتياطي ميقدمش ، لان البيانات بتنزل علي السيستم ، ولو رحت تقدم قبل الحكم هيرفض ياخد منك الطلب ، خليك بعد الحكم افضل

٤- التقديم للجنائي والسياسي

٥- لا يشترط قضاء مده معينة من العقوبة حتى تتقدم بطلب عفو.

٦- لا  يشترط وجود صفه في تقديم طلب العفو .

٧- التقديم بيتم مره واحده فقط.

٨- لكل من قدّم في العفو الرئاسي ولم يحظي به ، ووجد بالكشف من في ذاته موقفه أو أسوأ من موقفه ، أن يتظلم لرئيس الجمهورية ، ويطعن أمام مجلس الدولة

 العفو عن المسجونين

س / هو انا لازم اقدم على العفو ولا السجن بيراجع من نفسه ؟

ج /  بيتم تشكيل لجنة قانونية من الإدارة العامة لمصلحة السجون، تقوم بفحص ملفات نزلاء السجون، فى إطار قانون لتحديد مستحقى الإفراج بالعفو عن باقى مدة العقوبة، أو الإفراج الشرطى

س / يعني ايه ؟ 

ج / يعني السجون بتراجع ملفات النزلاء وبترسل ملفات من يستحقون العفو لمصلحة السجون للبت في امرهم  لكن  للسرعه وعشان عدد المسجونين مش قليل " يفضل " تسعي بنفسك وتقدم طلب العفو بنفسك

س / العفو بعد اد ايه ؟

ج / العفو بعد تلت المدة  لو حكمك سنه العفو بعد ٤ شهور  ولو حكمك ٥ سنين العفو بعد ٢٠ شهر

س / يعني ايه نص المدة ؟ 

ج / نص المدة اسمها الافراج الشرطي  يعني تقضي نص المدة مسجون  والنص التاني بتخرج بتروح تمضي ف قسم الشرطه مره كل اسبوع

س / مش فاهم قصدك ؟ 

ج / 

حاضر هفهمك 

لو مسجون حكمه ١٠ سنين  وهيخرج نص المدة " افراج شرطي " يبقى هيقضي ه سنين كوامل يعني ٦٠ شهر محبوس  وبعدها يخرج  ويروح القسم كل اسبوع يمضي مره

س/ العفو والافراج الشرطي لاي حد ؟

ج / لاي حد  لكن فيه شروط حسن السير والسلوك وموافقة الامن على  خروجه

س / ايه شروط العفو ؟

ج / الشروط الواجبة لتنفيذ قرارات العفو ، سواء عن تلت المدة أو الافراج الشرطى هى: يجب أن يتوافر فى النزيل شرط إتمام تلت المدة " للعفو "

و شرط اتمام نصف المدة " للإفراج الشرطي " فى يوم تنفيذ العفو  بالإضافة إلى  حسن السير والسلوك. بالاضافة لسداده لكافة الالتزامات الماليه الوارة على الحكم زى التعويضات والمصاريف الجنائية 

س / بس بيقولو فيه قضايا ملهاش عفو ؟ 

ج /  صح فيه قضايا ملهاش عفو  بس لها افراج شرطي 

س / يعني ايه ملهاش عفو بس ليها افراج شرطي ؟ 

ج /  يعني تخرج باذن الله بعد نص المدة بدلا من تلت المدة

س / زي ايه القضايا دي ؟

ج /  زي قضايا الاتجار فى السلاح

و قضايا المخدرات بضبطيات أكثر من 10 كيلو جرام

و قضايا "الهيروين"  و قضايا الثأر

س / هو حكم المؤبد ؟ او الاحكام المتعددة لشخص واحد ليهم عفو ؟

ج /  ايوه ليهم عفو

1 . الحكم المؤبد العفو عنه بعد ٢٠ سنه

2 . اذا تعددت الاحكام يكون العفو بعد تلت المدة " من مجموع الاحكام "

س / هو ملف العفو اللي بيرجع من مصلحة السجون لازم يقعد ٦ شهور عشان يرجع تاني ؟

ج / لا مش لازم  ...مصلحة السجون بتكون محدده تاريخ رجوعه للفحص مرة اخري

ممكن بعد شهرين او ٣ شهور و ممكن بعد ٦ شهور و ممكن اكتر من كده

س / هو العفو و الإفراج الشرطي لهم وقت محدد ؟

ج /  ايوه لهم وقت محدد في المناسبات الرسمية

س / ايه هي المناسبات الرسمية اللي فيها عفو ؟

ج /

🌺 عفو ٢٥ يناير

🌺 عفو ٢٤ ابريل

🌺 عفو عيد الفطر

🌺 عفو عيد الأضحي

🌺 عفو ٣٠ يونيه

🌺 عفو ٢٣ يوليو

🌺 عفو ٦ اكتوبر

س / اقدم طلب العفو فين ؟

ج / تقديم طلب العفو بيكون ف جهات كتير

ف مصلحة السجون

او في قصر عابدين بوابة رقم ٥

او في مجلس النواب

او في مجلس الوزراء

ودى غير لجنة العفو الرئاسى الموجودة بالعنوان 57 شارع مصدق محطة البحوث الجيزة بالدور السادس ودى خاصة بالعفو الرئاسى فقط غير العفو بتلت المدة ونص المدة  

س / بس انا من محافظة بعيدة وصعب اروح القاهرة ؟

ج /  ابعت طلب عفو با التلغراف او بالفاكس

س / ابعت تلغراف او فاكس لمين بالظبط ؟

ج / الجهات التي يرسل اليها تظلم العفو عن مسجون

🌺 السيد / رئيس الجمهورية 

🌺 السيد / النائب العام

🌺 السيد / رئيس مجلس الوزراء 

🌺 السيد / وزير الداخلية 

🌺 السيد / مدير مصلحة السجون 

🌺 السيد / رئيس لجنة حقوق الانسان 

🌺 السيد / مدير إدارة الشكاوي بمجلس النواب

حضرتك هتروح سنترال كبير في محافظتك وهما عارفين الفاكسات والعناوين

🌺 عنوان مصلحة السجون المصرية

🌺 مقر ديوان عام قطاع مصلحة السجون

5 شارع شنن المتفرع من شارع الجلاء بمنطقة القللي ، رمسيس ، في القاهرة

🌺 ارقام مصلحة السجون

بيردوا علي اي استفسار او سؤال يخص المسجونين من 8 صباحا حتي 3 مساءا

0225741871

٠٢٢٥٧٥٧٤٧٤

0225741871

0225742493

س / انا مش عارف اكتب صيغة للعفو عشان ابعتها

ج /  اكتب اي صيغه مفيش صيغة محددة

س / طيب قول لي صيغه الطلب يكرمك ربنا  ؟

ج /  حاضر

بـــــســــم الـــــلَّٰـــــه  الًـــرحــــمـــــٰـن الـــــــرحـــــــيــــم

معالى سيادة رئيس الجمهورية / ................

السيد رئيس الوزراء / دكتور مصطفى مدبولي

السيد وزير الداخلية / اللواء محمود توفيق

بعد اسمي آيات الاحترام والتقدير

نطلب من سيادتكم العفو عن

السجين / .........

الموجود بسجن / .................

والمحكوم عليه في قضية رقم ........ جنايات ...........

قسم .......... رقم ......... كلي ........

حيث حُكم عليه بقضاء ........... سنوات وقضى منها أكثر من نصف المدة .

وحيث أن سنه قد تجاوز ال ........ ، ويعاني من أمراض الشيخوخة وارتفاع ضغط الدم وضعف الجهاز المناعي وعدم القدرة على القيام بالأعمال البسيطة وبقاؤه في الحبس يشكل خطرا على حياته  نظراً لتدهور حالته الصحية ، ولأن تكدس المساجين يعد صورة من صور التجمعات والزحام والذي يؤدي لتفشي ڤيروس كورونا المستجد والذي يودي بحياة كبار السن واصحاب المناعة الضعيفة

 وإستمراراً  لتطبيق أطر السياسة العقابية بمفهومها الحديث ، وتوفير أوجه الرعاية المختلفة لنزلاء السجون ، وتفعيل الدور التنفيذى لأساليب الإفراج عن المحكوم عليهم الذين تم تأهيلهم للإنخراط فى المجتمع.

لذا......... نرجوا منكم النظر بعين الرأفة والرحمة واتخاذ القرار اللازم نحو العفو عن باقى المدة المحكوم عليه بها 

وتفضلوا بقبول فائق الاحترام والتقدير 

ولسيادتكم جزيل الشكر .

: س/  هو اللي ورقه " لا قدر الله " بيترفض فى العفو بيرجع يتعرض تاني امتي ؟ 

س / هو صحيح اللي ورقه " لا قدر الله " بيترفض ف العفو لازم يستني ٦ شهور كمان عشان يتعرض مره تانية ؟ 

ج /  اللي ورقه بيترفض فى اي عفو بيتكتبله فى الملف بتاعه تاريخ العرض التاني بيكون امتي 

س/ يعني ايه ؟ 

ج/ يعني حضرتك تسأل فى السجن بتاعه هيقولك تاريخ سفر ملفه للعرض تاني مره 

مش لازم يستني ٦ شهور  عادي جدا ينزل تاني العفو اللي بعده كل المطلوب من حضرتك  تعرف سبب الرفض وتحاول تعالجه  وتعرف تاريخ .

مواضيع مهمه
أخبار تهمك

لا تنسى مشاركة هذا المقال!

أعط رأيك حول هذا المقال

تعليقك يهمنا وسنقوم بنشره والاهتمام به

الأشعارات
اهلا بك اخى الكريم فى مدونة تى جو
ان كنت من المهتمين بكل جديد فى العالم التقنى يمكنك الاشترك فى قناة تى جو على اليوتيوب بالضغط على زر اليوتيوب فى الاسفل حتى تكون اول المستفيدين من شروحاتنا .
=================================
وان كان لديك اى اسئله او اقتراحات يمكنك التواصل معنا عبر مواقع التواصل الاجتماعى اسفل الرساله وسوف نقوم بالرد فى اسرع وقت .
شكرا على المتابعه .

حسناً