القائمة الرئيسية

الصفحات

لو طالع ملاحظة ثانوية عامة ،، إليك أهم النصائح والأوراق المطلوبة منك

 




أخى المعلم .. أختى المعلمة  

أهم تعليمات الثانوية العامة بالنسبة للملاحظ....

أخي الملاحظ المنتدب لاختبارات الثانوية العامة  هذا العام ٢٠١٩/٢٠١٨

أهم النقاط التى يجب ان تكون على وعى بها قبل وأثناء اللجنة.. 

الاوراق دي لا تنساها / صورتين لجواب الانتداب والاصل وصور البطاقة وخذ معاك ورقة من المدرسة فيها أساسي الراتب . 

أهم التعليمات داخل اللجنة..

أهم حاجه اجتماع رئيس اللجنة قبل الامتحان والميعاد مكتوب في الجواب اللي وصلك (خطاب الانتداب ) لأن الاجتماع هيكون فيه التعليمات الجديدة الخاصة بالبوكليت  لكن لو تخلفت مافى مشكله قانونيه..

واليكم بعض الأساسيات الهامة

↩ اول ما تستلم مظروف البوكليت تتأكد أولا من أنه سليم ثم التوقيع عليه انت و زميلك عند الفتح عد البوكليت  قبل تسليمه للطالب ولاحظ كل الورق مرقم بالاسفل↪↪↪↪

- تأكد من الترقيم أ،ب،ج،د و توزيعهم بالترتيب المتفق عليه مع رئيس اللجنه.

- قبل تسليم الأوراق للطالب تنبه عليه يعد هو كمان ورقة البوكليت اللى يتسلمها 

- يتأكد كل طالب أن ورقة البوكليت مكتوب عليها اسم المادة التى سيؤدي بها الامتحان ورقم النموذج الموضح أعلاه.

- تمضي على البوكليت بعد التأكد من بيانات الطالب وخاصة رقم الجلوس يكون واضح ليس به أرقام زائدة أو ناقصة أو غير واضحة.

- زميلك في اللجنة يمضي بنفسه لكن في آخر 5 دقائق من اللجنة . إياك تمضي للملاحظ اللى معاك . ولا تجعله يمضي لك . واحد يمضي في أول 5 دقائق والآخر في آخر 5 دقائق . 

- أثناء اللجنة يجلس أحدكم بالامام والآخر بالخلف ولا تتحدث معه طول اللجنة إلا إذا لزم الأمر ويكون الحديث قصير وبصوت منخفض .

- لا تتحدث مع الطالب أو الطالبة في أسئلة الاختبار وماتعملش أبو العريف في كل مادة ولا حتى مادتك . لو الطالب حب يستفسر عن شئ استدعى رئيس الدور أو مراقب الدور .

- مفيش داعى كل ربع ساعة الوقت اللى عدى والوقت المتبقي لأن ده بيوتر الطالب وهو معاه ساعته ويضبط وقته . لكن تنبه في نصف الوقت بهدوء وقبل انتهاء الوقت بربع ساعة فقط . 

-لا تصيح في وجه الطالب ولا تضيق من كثرة الأسئلة وكن بشوش لأن هذا يبعث طمأنينة للطالب.

- في بداية اللجنة أجمع كل ما يخص المادة أو أي أوراق من الطلاب وشنط البنات وضعهم خارج اللجنة مش جوة اللجنة . الطالب يصطحب الأدوات فقط دون حقائب أو شنط.

- هتنبه على الطلاب لو حد شطب يبلغك ولو أكثر من شطبين تعمل محضر شطب برقم السؤال والصفحة اللى شطب فيها . المحضر عبارة عن استمارة فيها اسم الطالب ورقم الجلوس ومكان الشطب ومكان توقيع للملاحظين ومراقب الدور . سهل مش صعب . لكن لو طالب شطب كلمة أو كلمتين عادي . لكن سطر أو جملة فما أكثر لازم تعمل محضر ويوضع المحضر بورقة الإجابة . 

- لو الطالب عطشان و حب يشرب كوب مياه عادي لكن نبه عليه يبعد عن الورقة حتى لا يسكب عليها الماء . 

- أهم نقطة . قبل أن يخرج الطالب من اللجنة عد اوراق البوكليت قبل أن تستلمها منه لربما يقطع الولد ورقة وانت مش واخد بالك وبعد كده هيقول انه كان مجاوب فيها والملاحظ قطعها . 

- لو طالب قطع الورقة أو رفض الإجابة لازم تستدعي مراقب الدور . لأن اللى يحضر لازم يجاوب ويحل في الورقة و لو سطر واحد يثبت ملكيته للورقه . 

-  حاول تحضر الاجتماع مع رئيس اللجنة لأن هيكون معاه تعليمات جديدة هتستفاد منها وتريحك وتجعلك لا تقع في مشاكل .

التجربة ستكون مفيدة لك رغم صعوبتها لكن تذكر الا تتخلف عن المهمة ..... 

- لا تسمح بالغش إطلاقا . ولا انت رايح تعمل ايه ؟. هي دي لب المهمة ومحور دور الملاحظ . وخلي بالك من "الساعات الذكية" و"نظارات جوجل" و"سماعات البلوتوث" و لو لاحظت اى شئ مريب استدعى مراقب الدور فورا. 

- لو تساهلت مع شخص بيغش هتلاقي طالب يشتكي منك لأنه مش عايز حد يكون احسن منه وده حقه . وإياك تخاف من الطالب مهما زاد حجمه فعقله لا يساوي شيئا بالنسبة لك كمعلم. 

- أي شئ تحتار فيه أسأل مراقب الدور أو زميلك حتى لا تقع في أخطاء . 

 لا تفصح عن تخصصك كمعلم و لا ليك دعوه بلبس البنات و لا الاولاد انت رايح ملاحظ مش شيخ جامع كلها كام يوم ومش هتشوف الطلبة دي تاني يعني لن تستفيد من إعلان تخصصك و لا وجهة نظرك إلا وجع الدماغ . 

وربنا معاكم .

مهام وأوراق المراقب الاول في الامتحانات


تعليقات